O deputada do BNG, Montse Prado pediu que na modificación do acordo figurara garantir o tempo imprescindíbel ata poder dar cobertura na Sanidade pública.
Santiago de Compostela, 7 de febreiro, 2014. A portavoz de Sanidade do BNG, Montse Prado defendeu hoxe unha Proposición non de lei para renovar o concerto singular entre o Sergas e Povisa ante a aposta do Partido popular pola privatización da Sanidade publica galega e fronte os recortes continuos e o seu desmantelamento.
Os votos en contra do Partido popular impediron que prosperara a iniciativa do BNG que reclamaba por en marcha as medidas necesarias para que a totalidade da poboación da Área Sanitaria de Vigo podar ter asistencia especializada na sanidade pública.
A parlamentaria reprochou ao PP establecer un acordo nun concerto por 10 anos con prestacións que teñen cobertura na Sanidade pública, si é un acordo para establecer un concerto por un tempo imprescindíbel ata poder dar cobertura na Sanidade pública, nós aceptámolo pero o que está ocorrendo,dixo, é que Povisa non está a dar un servizo de calidade.
Por outra parte, rexeitou a afirmación do portavoz do PP, Miguel Santalices sobre a liberdade dos usuarios a adscribirse a centros privados como contempla a Lei de Garantías ao que a nacionalista respondeu que non existe ningún artigo desas características na lei mencionada e a poboación de Vigo ou do Morrazo só pode facelo con Povisa.
Prado insistiu na necesidade de modificar o acordo antes de asinar o concerto con Povisa nestas condicións porque é permitir con fondos públicos que un centro privado compita con centros públicos, o PP nunca tivo a intención de crear áreas sanitarias na zona Sur para que a poboación poida decidir libremente acudir a un centro privado e por iso reduciron a metade o hospital de Vigo.
