A deputada do BNG no Congreso, Olaia Fernández Davila, deixou claro no Pleno a posición radicalmente en contra do BNG ao Real Decreto-lei 26/2012 de 7 de setembro, que concede un crédito estraordinario de 1.782 millóns de euros ao orzamento do Ministerio de Defensa para pagos de programas especiais de armamento.
Davila denuncia que por riba, este crédito estraordinario aumentará a débeda pública do Estado. A deputada do BNG puxo de manifesto que o Ministerio de Defensa é o único que non sofre recortes a pesar de que o Goberno estea desmantelando o Estado de Benestar e os servizos públicos.
Máis cartos para Defensa pero menos cartos para a xente
Este Decreto evidencia ás claras o modus operandi do PP. Vivimos unha grave crise económica con políticas de recortes que están asfixiando ás maiorías sociais pero hai máis cartos para Defensa. Un Goberno que privilexia os intereses da banca e que por riba aumenta os orzamentos para armamento, sinalou a deputada do BNG.
A deputada do BNG enfatizou as reduccións importantes nos orzamentos de sanidade e educación, agricultura e industria, mentras o de Defensa é que sae mellor parado. Mentras a maioría de ministerios sofren recortes incluso despois de recortar os orzamentos, as partidas de Defensa vense incrementadas. Con este crédito estraordinario, Defensa pasa a ser o único ministerio con maior orzamento para 2012 que para 2011.
Davila salienta que este crédito estraordinario é para pagar un programa de armamento adscrito no seu día polo Goberno de Aznar.
A continuación achegamos o desglose do novo crédito de 1.782 millóns para Defensa:
Subconcepto Denominación Importe (en euros)
659.01 Avión EF-2000 . . . . . . . . . . . . . . . . . . . . . . . . 1.171.607.690
659.02 Helicóptero Tigre . . . . . . . . . . . . . . . . . . . . . . 76.267.140
659.03 Obús 155/52. . . . . . . . . . . . . . . . . . . . . . . . . . 16.065.970
659.04 Misil SPYKE . . . . . . . . . . . . . . . . . . . . . . . . . . 27.824.410
659.05 Buque BAM . . . . . . . . . . . . . . . . . . . . . . . . . . 187.800.000
659.06 Carro c. LEOPARDO . . . . . . . . . . . . . . . . . . . 242.337.280
659.07 Misil IRIS-T. . . . . . . . . . . . . . . . . . . . . . . . . . . 38.968.560
659.08 Helicóptero UME . . . . . . . . . . . . . . . . . . . . . . 21.181.310
659.09 Sistemas CIS UME. . . . . . . . . . . . . . . . . . . . . 718.530
Total . . . . . . . . . . . . . . . . . . . . . . ........................... . . . . 1.782.770.890
