Jorquera afirma que o Presidente da Xunta vive nunha burbulla autocompracente e virtual que nada ten a ver coa realidade de Galiza
O portavoz do Grupo parlamentario do BNG, cualificou hoxe o discurso do Presidente da Xunta de película de ficción que na ten a ver coa realidade dramática que vive o noso país.
O nacionalista valorou a intervención de Feijóo como unha fuxida cara a diante e prometendo todo o que foi incapaz de facer durante este últimos cinco anos. A loita polo emprego, a loita pola protección social e contra a exclusión social foron ignoradas e vimos a un Presidente de Galiza que se inhibe de exercer como tal, só se referiu o autogoberno para criticar os procesos abertos noutros pobos. O Sr. Feijóo, dixo, parece ignorar que o Estado español está entrando nunha segunda transición. Feijóo, manifestou, conduce a Galiza á irrelevancia política e polo tanto, a irrelevancia económica e social.
O BNG fará un discurso critico coa xestión do Goberno e con propostas para xerar emprego
Jorquera anunciou que o seu discurso será unha emenda á totalidade ao Goberno galego e as súas políticas. Un discurso, recalcou, critico e propositivo para que a sociedade perciba que outras políticas son posíbeis, Galiza necesita ambición nacional, reforzar a súa capacidade de decisión como pobo e contar coas ferramentas necesarias para xerar emprego, xustiza social e saír da crise.
