O portavoz nacional do BNG foi entrevistado por Radio Galega. Unha entrevista na que se abordaron temas de actualidade e cuestións relativas ao nacionalismo galego.
Vence explicou a aposta do BNG pola soberanía nun contexto de grave crise que nos impiden ter capacidade de decisión sobre temas como a pesca, o agro ou o sector naval. Criticou a reforma da Administración local que prepara o Goberno de Rajoy.
Unha das cuestións comentadas foi a do modelo de estado, criticando o portavoz nacionalista a recentralización que está a practicar o PP.
Falou Vence da situación do nacionalismo galego, salientando a "aposta por unir forzas do nacionalismo galego. Queremos sumar todas as forzas políticas posíbeis". Aludiuse ás eleccións europeas do ano vindeiro, afirmando Xavier Vence a "necesidade de facer unha grande candidatura nacionalista".
Anunciou que haberá "encontros con varias forzas políticas nas vindeiras semanas". Sinalou que "podemos chegar a acordos puntuais con forzas políticas non nacionalistas" pero "pensamos que a sociedade debe votar proxectos políticos coherentes".
A preguntas do xornalista, tamén comentou as declaracións do Presidente da RAG sobre o BNG.
Finalmente, outro dos temas abordados foi a reforma electoral que propón Feijoó.