A portavoz do BNG no Congreso, Olaia Fernández Davila, aproveitou a súa intervención no Pleno da Cámara sobre o debate do ditame da Lei de Transparencia para expresar a rotunda condena do BNG ao brutal asalto fascista de onte á noite en Madrid a nacionalistas cataláns que defendían de maneira pacífica e democrática as súas ideas.
Ademáis, parabenizou ao pobo catalán pola masiva manifestación de civismo e democracia na multitudinaria movilización de onte na Diada, no seu día nacional. Parabéns.
En relación ao ditame da Lei de Transparencia, a deputada do BNG deixou claro o rexeitamento do BNG á lei porque ao final esta lei non é máis que un paripé.
Unha lei que fai augas por todas partes
Davila defendeu as emendas do BNG á lei porque está lonxe dunha auténtica normativa sobre a transparencia de organismos públicos, Casa Real, entes públicos privatizados , Banco de España e outras institucións públicas. É unha lei con poucas garantías de eficacia.
Criticou como fica o relativo á Casa Real porque aínda que se fixeron esforzos de negociación, non se contempla de maneira convinte. Hai medo a que se coñeza con total transparencia o funcionamento e os movementos desta institución, cando a historia da monarquía española e a súa mala praxe debería exixir unha total e absoluta transparencia.
En canto ao Banco de España, defendeu que as actividades do Banco de España e do FROB estean suxeitas a esta lei, debido ás súas funcións públicas de supervisión e control do sistema financeiro. De igual xeito consideramos que este réxime debería estenderse ao ICO e a aquelas entidades financeiras privadas que recibiron ou poidan receber fondos públicos.
Concluiu Davila que esta lei non é eficaz, é un paripé.
