A portavoz de Economía do BNG, Noa Presas critica a “falta de transparencia” da Xunta e a negativa do goberno a facilitar información sobre os proxectos e contías económicas que optan dende Galiza aos fondos europeos, Next Generation.
A nacionalista critica o anunciou de comparecencia do conselleiro de Economía, Francisco Conde na comisión constituída no Parlamento galego para elaborar unha diagnose económica de Galiza e as prioridades cara os fondos europeos ao tempo que a Xunta nega a información ao respecto
Para a deputada, resulta “admisible” a falta dun debate democrático e transparente sobre os proxectos escollidos. Neste sentido, lembrou que o Parlamento galego constituíu unha comisión de estudo que no mes de xaneiro do 2021 tiña que ter concluído o seu ditame pero a día de hoxe, a comisión non conta con esta información detallada.
O PP,recalcou Presas vive instalado “na propaganda” e no anuncio permanente. Agora, para colmo, a semana que vén comparecerá o conselleiro Francisco Conde para darnos “unha terceira rolda de prensa”. Dende o BNG reclamamos que sexa facilitada a información de “maneira inmediata” e iniciar un debate democrático sobre os proxectos Nex Generation, porque representan “unha oportunidade” para o desenvolvemento económico e social de Galiza.
O PP quere beneficiar con fondos europeos a catro empresas amigas
Nos podemos permitir que o Partido popular destine fondos europeos a “catro empresas escollidas a dedo”, porque en Galiza, insistiu a deputada, hai autónomos e autónomas e pequenas e medianas empresas atravesando unha importante crise económica.
A Xunta continúa co autobombo e propaganda
A parlamentaria reitera que o Conselleiro de Economía comparecerá na comisión por terceira vez despois de abrir as comparecencias no mes novembro de 2020, comparecer a finais de decembro e agora para explicar as liñas xenéricas de “proxectos e cifras millonarias e incoherentes”. Unha vez máis, estamos ante “o autobombo do Partido popular e da Xunta”, remarca Noa Presas.
Por outra parte, a única documentación remitida ao Parlamento é “un dossier ridículo” de 12 páxinas titulares de prensa, no que nin sequera suma os montantes da cantidade reflectida no índice e no que, por poñer un exemplo, pretende venderse como proxecto europeo facer “máis albergues en Santiago.
O BNG rexistrou ata 13 solicitudes de información pola vía do Artigo 9 diante dos recorrentes anuncios de Feixóo e seguimos agardando por unha resposta, levamos 4 iniciativas a debate a pleno reclamando criterios xustos, xestión territorializada, dialogo social e obxectivos a acadar que foron rexeitadas polo PP.
Resulta “inaudito” que teñamos información dos proxectos de Navarra e non a” folla de ruta de Galiza”, conclúe a nacionalista.
