O candidato do BNG á presidencia da Xunta, Francisco Jorquera, demanda que Feijoo explique nun pleno extraordinario do Parlamento Galego a súa decisión manifestamente ilegal de suspender o concurso eólico do anterior goberno da Xunta participado polo BNG.
Jorquera asegura que a decisión do TSXG de anular a suspensión do concurso eólico non fai senón dar a razón ao que sempre afirmou o BNG: que a decisión do goberno de Feijoo de decretar o parón do anterior concurso eólico foi unha decisión partidaria, irresponsábel, caprichosa, manifestamente ilegal e que tivo graves consecuencias para Galiza porque supuxo renunciar a desenvolver o noso sector eólico como un factor de desenvolmento de Galiza e impediu a creación de miles de postos de traballo, algo moi importante nun contexto de crise no que estamos.
O responsábel é Feijoo
O candidato do BNG á presidencia da Xunta advertiu de que a decisión manifestamente ilegal de suspender o anterior concurso eólico, como ven de corroborar o Tribunal Superior de Xustiza de Galiza, ten un responsábel: o señor Feijoo, que ten que explicar o seu proceder.
Nese sentido, Francisco Jorquera instouno a que convoque inmediatamente un pleno extraordinario do Parlamento Galego para que dea conta das responsabilidades que se derivan deste xeito de proceder.
http://youtu.be/XHgeWVQBHls
