A deputada do BNG, Tereixa Paz afirmou que o PP négase a investigar para que non apareza o nome de Romay Becaría que sempre está detrás de todos os chanchullos da financiación do Partido popular
A solicitude dos grupos parlamentarios do BNG, Mixto e Alternativa de Esquerda para crear unha comisión de investigación sobre os contratos, convenios e subvencións ou actos administrativos utilizados para que fondos públicos remataran na Fundación FESÁN, foi rexeitada hoxe no Parlamento, polo grupo maioritario do Partido popular.
A parlamentaria do BNG, Tereixa Paz afirmou que o PP négase a investigar para impedir que apareza o nome de Romay Becaría que sempre está detrás de todos os chanchullos da financiación do Partido popular.
Tereixa Paz cualificou a intervención do portavoz popular, Miguel Tellado, non de contenedor senón de camión de lixo por acusar aos grupos da oposición de xerar desconfianza e falta de seriedade. Que vostede aporte un informe do Tribunal de Cuentas para xustificar que non hai caso explicou a nacionalista, sen reparar que durante vintecinco anos o Tribunal de Cuentas non viu caso na financiación do Partido popular que agora está sendo investigada e xulgada, mesmo con apertura de xuízo oral, non deixa de ser pintoresco.
A nacionalista foi máis alá e reiterou que estamos ante un caso clarísimo xa denunciado polo Bloque na fallida comisión contra a corrupción. A deputada preguntou como foron derivados cuantiosos cartos públicos para xestionar a Fundación FESÁN a través de empresas privadas. Naquela ocasión, xa puxemos o acento en tres ámbitos de risco: subvencións e convenios, contratación pública e privatización de servizos públicos. A través desta vía, recalcou, foron derivados dende o ano 2011 ate o 2014, 7,5 millóns de euros á empresa FESÁN e adláteres. Dos anos 2009 ao 2010 o Consello de Contas fiscalizou 9,6 M, pragados de irregularidades nunha empresa que igual xestiona unha escola infantil que un Centro de Día ou oferta cursos de formación e axudas para desempregados incumprindo os compromisos para a súa contratación.
Caciquismo 4.0 do Partido popular
Estamos dixo, ante un asunto que recolle as máis vellas prácticas de presunta corrupción política do caciquismo 4.0 posto de moda polo Partido popular e que consiste en que persoas vinculadas co seu partido rematen sendo ás que xestionan grande parte dos recursos públicos.
A parlamentaria reiterou que o BNG quere investigar as decisións políticas da administración pública. Na súa intervención Tereixa Paz tamén se referiu á dimisión do director xeral de Formación e vostedes seguen sen querer saber o que aconteceu todos estes anos no departamento da ex-conselleira Mato e cos cargos políticos que puxo ao fronte desas responsabilidades.
A deputada propuxo ao Partido popular unha investigación dende o ano 2005 (período do bipartito) porque, recalcou, nós non temos nada que ocultar, os que teñen algo que ocultar son os que se agochan detrás dos funcionarios e non se atreven a levantar as alfombras, concluíu a parlamentaria do BNG.
