O portavoz nacional do BNG, Guillerme Vázquez, realizou unha visita a Culturgal este mediodía para expresar o apoio do BNG á cultura galega, apoio que practicamos dende o concello.
O líder nacionalista, que estivo acompañado pola deputada Carme Adán, aproveitou para demandar á Xunta un maior compromiso e apoio á cultura galega, xa que non é un dos seus eixos nin prioridades.
O portavoz nacional lembrou que a cultura ten interese en si mesma e por susposto tamén xenera postos de traballo.
Pensións
O líder do BNG aproveitou para referirse ao novo atraco a man armada do goberno de Rajoy baixando as pensións, cunha rebaixa que afectará máis a Galiza porque xa ten as pensións máis baixas que a media.
Guillerme quixo especificar que esta medida se adopta no marco dun incremento de prezos e do custe de vida para os pensionistas e na liña de saquear ao pobo para seguir dándolle cartos á banca.
O portavoz nacional asegurou que se trata dunha medida inxustificábel, indefendíbel e criticou que Rajoy, co silencio de Feijóo, se ceba nos sectores máis débiles e nós como BNG diremos que a esta política hai que facerlle frente.
Hai que acabar con eles ou se non eles acaban con nós, concluíu.