Na súa última comparecencia como Portavoz Nacional ante os medios de comunicación Guilleme Vázquez agradeceu ao BNG que lle dese esta oportunidade histórica para traballar por e para Galiza. Agradeceu o esforzo militante de tantos afiliados e afiliadas neste difícil periodo do nacionalismo e ratificou o seu compromiso de traballo militante co proxecto político que representa o BNG. Explicou que o informe de xestión foi aprobado pola práctica totalidade dos e das integrantes do Consello Nacional. Asemade explicou que a proposta de candidatura para o Consello Nacional tamén obtivo un amplísimo respaldo.
Logo dunha afectuosa despedida cos medios de comunicación deu paso a explicar a proposta de Executiva Nacional que se lle trasladará a militancia para a súa votación na Asemblea Nacional. Esta é a seguinte:
1.- Xavier Vence Deza. Catedrático Economía aplicada
2.- Goretti Sanmartín Rei. Profesora USC
3.- Francisco Jorquera Caselas. Portavoz Parlamento Galego
4.- Ana Mª Mianda Paz. Eurodeputada
5.- Bieito Lobeira Domínguez.Ex Deputado
6.- Motse Prado Cores. Deputada
7.- Rafael Vilar González. Concelleiro en Santiago.
8.- Rosana Pérez Fernández. Deputada Congreso.
9.- Nestor Rego Candamil. Profesor Lingua e Literatura no Ensino Secundario
10.- Ximena González Ataide. Concelleira de Ourense, Marcha Mundial das Mulleres
11.- Xabier Campos López. Concelleiro de Mocidade en Ribadeo.
12.- María do Mar Vila López. Concelleira en Dozón, Plataforma anti-incineradora.
13.- Xosé Antonio Rubal López.Traballador USC.
14.- Saleta Chao Rivas. Responsábel Comarcal GN A Estrada-Deza.
15.- Adrián Dios Vicente. Economista.
Xavier Vence é a proposta de Portavoz Nacional feita esta mañá polo Consello Nacional para este novo periodo. Guillereme enfatizou o grande reto que ten por diante e as moitas capacidades e virtudes que Vence reune para tal cometido.
