O BNG xunto a outras organizacións do País convoca concentracións simultáneas nas varias vilas galegas.
O BNG, xunto a organizacións coma Galiza Nova e a CIG, organiza este venres e o próximo martes 26 unha serie de concentracións reivindicando a soberanía plena e contra o empobrecemento xeral da poboación.
O BNG defende, sen medias tintas, a soberanía nacional como solución aos problemas e o empobrecemento que sofre o noso país como resultado das políticas neoliberais da Xunta da Galiza e o Goberno Central. Este sistema centrado en Madrid, herdado do século XIX, condena ao noso país a sufrir unha destrución social e cultural cíclica con grandes doses de corrupción.
Concentracións convocadas por todo o país.
Baixo o lema Polo dereito ao traballo, á igualdade, aos servizos públicos e á plena soberanía nacional galega, o BNG reivindica un proceso constituínte e de ruptura democrática, única vía para saírmos desta crise.
O BNG convidada a cidadanía galega a participar nas convocatorias que se celebrarán nas distintas cidades galegas:
Venres 22 de febreiro:
Santiago: ás 20 horas, diante da sede do PP (Rúa Alfredo Brañas)
Ourense: ás 20 horas, diante da sede do PP (Rúa do Progreso)
Ferrol: ás 20 horas, diante da sede do PP.
Vigo: ás 19 horas, na Farola de Urzaiz
Lugo: ás 20 horas, diante da sede do PP (R/ Poeta Ramón Cabanillas, esquina Doutor Casalla)
A Coruña: ás 20 horas, diante da Subdelegación do Goberno
Martes 26 de febreiro:
Pontevedra: ás 20:30 horas, na Praza da Peregrina
