A policía impide a entrada ao Parlamento de tres deputadas e un deputado do BNG tras participar na concentración dos traballadores de Navantia e das Universidades
O BNG presenta unha queixa ante a Mesa do Parlamento polo que considera un abuso de autoridade da Policía Nacional ao impedir a entrada á Cámara galega das deputadas nacionalistas, Ana Pontón, Carme Adán e Tereixa Paz e o deputado Cosme Pombo tras participar na concentración convocada polos traballadores/as de Navantia e das Universidades.
As deputadas do BNG, xunto aos parlamentarios dos grupo do PSOE e AGE, abandonaron o salón de plenos para mostrar o seu rexeitamento á decisión da presidenta da Mesa Parlamento, Pilar Rojo, de impedir o acceso do público ao hemiciclo.
Tralo abandono da sesión plenaria, o BNG participou na concentración dos traballadores de Navantia e da Universidade que se manifestaron nas inmediacións do Parlamento galego ante un amplo dispositivo policial.
Ao tentar entrar de novo no Parlamento galego, a policía impediu o paso das deputadas, Carme Adán, Tereixa Paz e Ana Pontón e o deputado Cosme Pombo aos que mesmo lle foi requirida a documentación co fin de ser indentificados.
