O Bloque Nacionalista Galego vén de coñecer as novas actuacións que o Ministerio de Transportes está a realizar en infraestruturas da rede ferroviaria galega que estaban pendentes de impulsar. Este é o caso, explica a senadora do BNG, do único tramo pendente de AVE a Oporto e a aceleración dos traballos para a licitación do estudo informativo do estudo que conectará a saída sur ferroviaria de Vigo co novo viaduto internacional. Unha cuestión que estaba recollida no acordo de investidura conseguido polo BNG e que se está a ver materializado.
No acordo asinado polo BNG estipúlase, literalmente, o o compromiso do Goberno para impulsar ás actuacións do Corredor Atlántico e “acelerar os traballos no tramo de conexión entre Vigo e a Fronteira Portuguesa, incluíndo a saída sur de Vigo, que forman parte da Rede Básica Ampliada”.
Unha cuestión que para o BNG é “estratéxica e prioritaria” por ser un tramo ferroviario que, tal e como se compromete o Goberno do Estado, debe ser prioritario dada a súa importancia económica, social, industrial e mesmo cultural para a Galiza.
