Carme Adán acusa ao Partido popular de crioxenizar os traballos da comisión para evitar as explicacións da desaparición do sistema financeiro galego
O BNG enviou un escrito á Mesa do Parlamento no que solicita reanudar os traballos da comisión de Investigación das caixas de aforros galegas.
A viceportavoz do grupo parlamentario do BNG, Carme Adán compareceu hoxe ante os medios de comunicación para dar conta do contido do escrito que reclama adoptar as medidas necesarias para reabrir a comisión de investigación.
A parlamentaria criticou que o Partido popular crionizara a comisión cun parálise de máis de sete meses, a comisión, dixo, debe ter conclusións e dende o BNG levamos moito tempo traballando no borrador da ponencia.
Adán tamén cuestionou o propio funcionamento da comisión na que o Partido popular se decantou por un formato de concentración de comparecencias durante 15 días para logo darlle carpetazo.
Na comisión, lembrou, compareceron os máximos exdirectivos das caixas de aforros e mesmo, o presidente de Novagalicia Banco e o máximo responsábel de Caixa Galiza, sen embargo, figuras claves neste proceso como ao do ex-gobernador do Banco de España Miguel Ordóñez non compareceu para someterse ás preguntas dos grupos parlamentarios e limitouse a responder por escrito a través dun cuestionario.
A deputada lembrou tamén que moitas das comparecencias solicitadas pola oposición, e concretamente polo BNG, foron rexeitadas polo Partido popular.
O PP cómplice da desaparición do sistema financeiro galego
Carme Adán abundou na necesidade de reabrir a comisión para analizar a actual situación do sistema financeiro galego así como os instrumentos a utilizar no futuro tras a venda de Novagalicia Banco ao Grupo Banesco, operación dixo, da que o Partido popular non deu aínda explicacións.
A xuízo da nacionalista, o Partido popular ten a vontade de aparcar esta comisión, concluíu
