A deputada do BNG, Carme Adán cualificou de tomadura de pelo do Presidente da Xunta e do conselleiro de Industria publicitar un contrato con Pemex para construír o flotel en Ferrol e trasladar oito módulos aos estaleiros de Navantia en Puerto Real
Ante o anunciou do traslado de oitos módulos do flotel contratado para Ferrol aos estaleiros de Navantia de Cádiz, a portavoz de industria do BNG, Carme Adán esixiu responsabilidades políticas ao Presidente da Xunta e conselleiro de Industria e demandou que comparezan no Parlamento para explicar o traslado dos devanditos bloques.
Para a parlamentaria, Núñez Feijóo e Francisco Conde mentiron no Parlamento cando anunciaron que os floteis eran a solución para o naval galego e agora vemos como unha parte do flotel de Navantia será construída en Puerto Real.
A deputada asegurou que o traslado dos bloques resultará máis custoso ao ter que trasladalos novamente ata Ferrol en barcazas ademais de representar unha importante perda de traballo.
Adán acusou ao Presidente da Xunta e o conselleiro de Industria de tomar o pelo a unha comarca dabondo deprimida polo crise económica e desemprego. O propio titular de Industria, lembrou a nacionalista, compareceu en sesión plenaria o pasado mércores para explicar as políticas no sector naval e non fixo ningunha referencia a construción de oito módulos do flotel noutros estaleiros.
Queremos preguntarlle a Feijóo se pensa presentarse ás primarias polo Partido popular en Andalucía por un xestión tan dilixente para que a carga de traballo de Galiza se traslade a esta comunidade.