A deputada do BNG, Montse Prado denuncia a irresponsabilidade política de Rocio Mosquera por mentir a todos os galegos e galegas e profesionais sobre a situación real provocada polo ébola
O BNG pide a comparecencia urxente da conselleira de Sanidade no Parlamento galego para que explique as previsións reais do seu departamento contra o ébola.
En opinión da deputada , Montse Prado, a alarma social creada pola enfermidade, contaxio e tratamento fai necesaria unha resposta inmediata da titular de sanidade. Asemade, a nacionalista denuncia a irresponsabilidade política e acusa a conselleira de sanidade de mentir a cidadanía e profesionais sanitarios.
Para a deputada, o proceder da consellería da Sanidade evidencia unha nova mostra de deixación por non ofrecer explicacións ante a crise do ébola e limitarse a cubrir o expedinte subindo na páxina web un vídeo informativo e os protocolos.
Prado recalca a desastrosa xestión do Goberno e censura a falta de medios nos hospitais ante posibles novos casos, o persoal sanitario, afirma, xa denunciou no mes de agosto a precariedade dos centros galegos para atender aos afectad@s mentres a conselleira de sanidade, segue mantendo que Galiza está perfectamente preparada.
A deputada critica que o Goberno galego e central non asuman a indignación dos profesionais sanitarios e amosa o seu estupor ante as declaracións do Consejero de Madrid que responsabiliza á sanitaria de Becerreá contaxiada por ébola.
Prado recalca que a grave situación reclama unha explicación urxente e veráz da conselleira de sanidade en sede parlamentar.