Francisco Jorquera explicou que a abstención do grupo nacionalista á emenda pactada entre PP e PSdeG, respondeu a intención de non lavarlle á cara ao Goberno da Xunta por que o PP sigue xogando ao engano.
PP e PSdeG pactaron unha partida de cinco millóns de euros para a construción do dique flotante na ría de Ferrol coa abstención do BNG que reclamaba unha maior contía para o dique.
O portavoz nacionalista, Francisco Jorquera explicou que o BNG se abstivo na votación da emenda transaccionada entre o PP e PSdeG para destinar cinco millóns de euros na construción do dique de Ferrol porque o PP segue xogando ao engano e non ten vontade para que este dique se chegue a facer.
O nacionalista afirmou que non existía dotación para o dique e para maior demostración, explicou, hoxe mesmo en Madrid o Partido popular sigue dicindo que non vai votar a favor dunha Proposición no Congreso dos deputados que comprometa ao Goberno central a facer realidade o dique flotante.
O BNG, manifestou non está nesta Cámara para lavarlle a cara ao Goberno da Xunta nin para ser cómplice de cerimonias de confusión polo que seguimos mantendo a nosa emenda para que sexan destinados 25 millóns de euros á construción do dique flotante de Ferrol.
A Xunta aproveita a emenda transaccionada para facer propaganda falsa
Na segunda intervención, Francisco Jorquera fíxose eco dunha nota de prensa publicada na páxina web da Xunta na que se afirmaba que a propia Xunta de Galicia destinaría cinco millóns de euros para a construción do dique flotante de Ferrol cando en realidade, puntualizou foi o Parlamento e non a Xunta e esa partida deberá ser dedicada ao dique.
Jorquera reiterou que, o BNG votou a favor de incrementar a partida para a construción do dique flotante pero abstívose na emenda transaccionada, polo que seguirá mantendo a súa emenda que eleva a 25 millóns de euros.
