A organización nacionalista ve positivo que o Ministerio de Transportes inicie o estudo de viabilidade para mellorar a conexión ferroviaria entre Lugo e Santiago de Compostela e reforzar a rede ferroviaria na Galiza
Néstor Rego e Carme da Silva poñen en valor o acordo arrincado ao PSOE e o traballo do BNG para o seu cumprimento
O BNG celebra o avance para o cumprimento dun dos puntos do Acordo de Investidura centrado no Plan Integral de Modernización da Rede Ferroviaria da Galiza con actuacións concretas durante esta lexislatura. No concreto, o Ministerio de Transportes vén de confirmar que inicia o estudo de viabilidade para a mellora da conexión ferroviaria entre Lugo e Santiago de Compostela. Un punto, sinala a organización nacionalista, recollido polo BNG no Acordo de Investidura.
