Jorquera lamentou o voto desfavorable do PP á unha iniciativa nacionalista destinada a paralizar un proxecto mineiro lesivo para Galiza
O portavoz do Grupo parlamentario do BNG pediu, a través dunha Proposición non de lei, anular a declaración de impacto ambiental positiva para a Mina de Corcoesto, avaliar o risco para a saúde humana e medio ambiente das concentración de arsénico na zona e denegar novas autorización de investigación e explotación mineira así como movementos de terra na zona de Corocoesto
Grande resposta social contra a mina de Corcoesto
Na súa intervención, o deputado pediu ao Goberno galego que non desprece a contestación social suscitada en Bergantiños e en toda Galiza contra o proxecto da Mina de ouro a ceo aberto, non fagan vostedes ouvidos xordos, dixo, a maior mobilización rexistrada en Carballo ao longo da súa historia, .
O parlamentario engadiu que este mesmo mes coñeciamos un terceiro informe científico que demostra a existencia dunha alta concentración de arsénico no chan e nas augas da parroquia de Corcoesto que afecta gravemente ao curso baixo e esteiro do río Anllóns, hai zonas nas que esta concentración supera en 12 veces os niveis máximos permitidos, asegurou.
O deputado aseverou que estes niveis responden a unha mina de ouro en desuso dende o ano 1930.
Alfonso Daniel R.Castelao: Estamos fartos de ser unha colonia
Coa cita do ilustre político e escritor galego, o parlamentario do BNG denunciou que o Partido popular, comportase como un colonialista ben colonizado e colaborador no desmantelamento da base produtiva galega, a mina a ceo aberto en Corcoesto é outra mostra de que queren vender Galiza a parcelas, manifestou.
Jorquera relatou que para extraer 34 toneladas de ouro, o equivalente a carga dun camión, serán voadas con explosivos 392 hectáreas e utilizarán 4.300 toneladas de cianuro que xerará 8.400 toneladas de arsénico e 17 millóns de toneladas de refugallos contaminantes.
Aznar membro da megamineira de ouro Barrick Wold
O parlamentario aludiu ao expresidente José María Aznar do que dixo é noticia porque ameaza con volver ao comprobar que as aspiracións de Núñez Feijóo frustráronse tras a súa relación co narcotraficante Marcial Dorado, pero tamén é noticia, por fichar coa maior extractora de ouro do Mundo tamén canadiana.
O Telegráfo, xornal ecuatoriano preguntaba cómo un mediocre avogado tributario chegou a ilustre eminencia académica nos EEUU, asesor de varias multinacionais e Gurú neoliberal en América Latina.
O propio Jorquera respondeu que algo terá que ver o seu alineamento cos poderes fácticos do planeta como acontece cos membros da Xunta que prefiren defender eses poderes fronte os intereses de Galiza, concluíu.
