- A nacionalista sumou ao rescate das caixas e posterior venda, o proceso aberto da devolución das cláusulas chan
A parlamentaria do BNG, Noa Presas pediu hoxe, a través dunha proposición non de lei, “transparencia” co fin de coñecer con exactitude o “alcance real de diñeiro público” empregado no rescate das caixas galegas.
Na súa intervención, a nacionalista asegurou que votar en contra da iniciativa do BNG sería votar en contra da transparencia e do dereito á información. Sería votar contra o o dereito a sabermos para que se emprega o diñeiro público e sobre todo, “canto custou realmente regalar o sistema financeiro galego”.
Para a deputada, o rescate e venda de Novagalicia Banco é un “puzzle incompleto” ao que agora hai que sumar, dixo a recente sentenza da Unión Europea do mes de decembro de 2016 sobre a retroactividade da cláusulas chan e das que máis da metade, “ afectan á actual ABANCA”.
Desde as contas públicas non só foron destinados 8.981 millóns de euros para sanear Novagalicia Banco que logo foi vendida por só 1.003 millóns. Lembremos que o propio FROB recoñeceu que a venda supuña perdas para o Estado por máis de 8.000 millóns e non só iso, é que o propio FROB xa infravalorou o custo da venda, porque tamén “infravalorou o custo das coberturas públicas das que se beneficiou o comprador”. Agora, cos nosos recursos, “o FROB vai ter que asumir o 85% das contías que serán devoltas, polas cláusulas chan porque iso é o que aparece no documento de condicións de venda de Novagalicia, e hai estimacións que sitúan a contía entre os 500 e 700 millóns de euros.
Desde o BNG agardamos que a Comisión que se abriu onte e que toca lateralmente o que vimos hoxe a demandar, poida axudar para continuar deitando luz sobre este asunto e que o PP non continúe na súa teima de “arrefrialo” como recoñeceu o señor Puy. A deputada concluíu pedindo ironicamente que “arrefriar” se incorpore ao dicionario como sinónimo de “ocultar
