A Executiva do BNG expresa neste comunicado a condena firme do BNG do horror perpetrado onte á noite na capital parisina, o seu rexeitamento de todo acto terrorista que sesga a vida de moitas persoas como está a acontecer noutras partes do mundo, como sucedeu hai uns días en Beirut. Amosa a súa solidariedade coas familias das vítimas do atentado e agarda o rápido recuperamento dos feridos.
A Executiva do BNG fai un chamamento a sumarse aos actos e concentracións de condena da violencia vil, cruel, inútil e irracional que mata persoas de maneira atroz, practicando a inhumanidade e o sensentido. Actos que deben estar adicados á lembranza das persoas asasinadas, tanto onte como en días pasados noutras partes do mundo.
O BNG considera que hoxe é o día da solidariedade coas vítimas e apela a abordar a violencia terrorista mundial desde a racionalidade, desde o respecto aos dereitos dos pobos
e evitando alimentar a espiral de violencia actual.
