Carme Adán lembrou que 450.000 galegos e galegas non poden pagar o subministro enerxético polo que reclamou, a través dunha proposición de Lei, incluír o concepto pobreza enerxética na Lei de Protección das persoas consumidoras
A parlamentaria do BNG , Carme Adán lamentou hoxe o voto contrario do Partido popular á lei nacionalista destinada a incluír o concepto pobreza enerxética na Lei de Protección de persoas consumidoras.
Tras anunciar o portavoz do Partido popular, Hipólito Fariñas que os conservadores votarían en contra da Lei do BNG, por desacordo co concepto pobreza enerxética e alegando que debe ser denominada consumidores vulnerábeis, a parlamentaria nacionalista amosou a súa sorpresa e preguntou polos verdadeiros motivos do voto en contra.
Para a deputada, o que está a acontecer é unha consecuencia das políticas dos gobernos do Partido popular entre as que destacou, a liberalización do sector enerxético en 1997. Na súa intervención tamén aludiu ao tique social e explicou que son 45 euros cada seis meses, mentres o Goberno galego gastou máis de dous millóns de euros en "publicidade" do hospital privado de Vigo por non falar, dixo, das campañas de natalidade con máis de 1.400.000 é adicta.
Vostedes, afirmou, son cómplices das grandes eléctricas e agora veñen xustificando o voto en contra amparándose na terminoloxía.
450.000 galegos non poden pagar a luz nin a calefacción
Adán replicou que lle poden chamar como queiran, vulnerabilidade, ou indixencia pero o problema real é que o Ministro Soria impulsou unha reforma que aumenta o recibo da luz en en Galiza xa son 450.000 persoas as que non poden pagar as facturas. Cómo é posible que exportando dende Galiza enerxía os recibos da luz segan incrementándose, cómo é posible que 450.000 estean a dúas velas, recalcou a nacionalista.
A proposta do BNG, rexeitada hoxe polos populares incluíu unha modificación da lei de Protección para introducir o concepto pobreza enerxética para protexer as unidades de convivencia que destinan máis do 10% dos seus ingresos para gas e electricidade.
Ademais, a lei do BNG tamén incluía que a propia Xunta asumira as facturas de gas e electricidade das persoas en risco de pobreza enerxética.
A parlamentaria tamén denunciou que a reforma laboral do PP provoca o empobrecemento das familias, vostedes non parecen conscientes do nivel de paro en Galiza e das moitas persoas que non poden pagar a luz.
