O portavoz do BNG, Xavier Vence critica que non fai unha mención explícita á corrupción da Casa Real e familia e segue o discurso propagandístico do PP sobre a recuperación
O portavoz nacional do BNG cualificou de "cínico" e "fora da realidade" o discurso e critica a falta dunha mención explícita á corrupción da familia e a Casa Real.
Asemade, asegurou que o discurso está marcado pola axenda mediática "respondendo ao politicamente correcto". Por outro lado, recalca que reproduce o discurso propagandístico do Partido popular sobre a recuperación económica sen recoñecer o desastre social, a pobreza laboral e a exclusión algunha.
Mesmo guión. Nada novo neste monarca.
Para o portavoz nacionalista, Felipe VI segue "o mesmo guión de sempre" e "peor representado", demostración de que "non hai nada novo neste novo monarca nin vontade de mudar a cúpula do Estado.
Xavier Vence tamén cualificou de "cerrado y ameazante" o discurso no relativo á unidade do Estado, do que dixo, negou a reivindicación do dereito democrático a decidir e as aspiracións nacionais.