Daniel Rodas acusou ao Partido popular e ao Ministro Cañete de defender en Bruxelas os desguaces dos barcos
A través dunha Proposición de lei, rexeitada hoxe polo Partido popular no Parlamento galego, o deputado do BNG, Daniel Rodas lamentou que, unha vez máis, Galiza non estea representada como merece naqueles foros nos que se decide o seu futuro.
O deputado reclamaba na iniciativa parar o despezamento e e evitar o cambio de bandeira da flota galega como único recurso para a súa supervivencia.
Neste sentido, Rodas respondeu ao portavoz popular, José Manuel Balseiro que o propio Ministro Arias Cañete defendeu en Bruxelas os desguaces dos barcos e foi tamén Arias Cañete quen afirmou que a nos últimos catorce anos a flota española reducida a súa capacidade nun 43 por cento.
Tarxeta vermella e expulsión do PP por xogo sucio
O parlamentario esixiu responsabilidades políticas polo que está acontecendo coa pesca galega e cualificou de escándalo que o Partido popular xustifique a súa xestión para este sector, xogando sucio, e se iso pasara nun partido de fútbol dixo, a vostedes lle sacariamos a tarxeta vermella e serían expulsados.
Rodas exculpou ao BNG das acusacións de Balseiro no período bipartito, é verdade dixo, o BNG cogobernou durante case catro anos pero nunca tivo responsabilidades pesqueiras, non pretenda culparnos a nós da grave situación da flota galega cando vostedes levan gobernando Galiza máis de 23 anos.
O parlamentario pediu ao PP, con maioría en Galiza e o Estado, que aplique políticas que resolvan os problemas da flota pesqueira como a do Gran Sol que permanece amarrada por agotamento de cotas, a xente está no paro e o noso modelo produtivo esmorecendo, afirmou.
Tomen decisións dunha vez, dixo, e non segan escudándose na propaganda porque de seguir así, despareceremos como sector e tamén como País, concluíu.
