Montse Prado cualifica de burla a comparecencia do Secretario Xeral de Sanidade que confirmou non entregar a documentación na Cámara polo seu volume inmanexable
A portavoz de Sanidade do BNG, Montse Prado cualificou de pouco habitual solicitar unha comparecencia por petición propia e co trámite de urxencia para responder a unha pregunta formulada con resposta escrita por un grupo da Cámara en alusión á comparecencia do secretario xeral da Consellería de Sanidade, Antonio Fernández Campa para explicar os contratos do seu departamento coas empresa de Marcial Dorado.
Na súa intervención, Prado cualificou de burla e manobra do Partido popular esta comparecencia cando onte, na sesión de control ao Presidente da Xunta, Feijóo afirmou que os expedientes que superaban os dez anos non se conservan e hoxe, vostede da información dalgúns entre 15 e vinte anos.
Neste sentido, preguntou quén minte?, o Presidente da Xunta ou o secretario do SERGAS por que as dúas afirmacións son contraditorias, ou hai expedientes ou non os hai, sentenciou.
A parlamentaria acusou ao Partido popular de utilizar de maneira partidista a información que posúe a Administración e lembrou que BNG solicitou o día 11 de abril documentación sobre adxudicación de contratos, obras e servizos relacionadas con Marcial Dorado así como facturas emitidas e subvencións concedidas, a día de hoxe, afirmou, non obtivemos ningunha resposta.
A deputada tamén se referiu á sesión plenaria na que os grupos da oposición interpelaron ao Presidente da Xunta sobre a súa relación co narcotraficante Marcial Dorado e na que Núñez Feijoo, deitou insidias e dúbidas sobre contratos do período do Bipartito, no BNG, manifestou, non queremos que quede a mínima dúbida do nosa xestión no goberno polo que pedimos a documentación para ser entregada á Fiscalía e dirima se existe algún indicio de delito ou responsabilidade.
Prado concluíu reiterando que o PP agochase baixo o ti máis pero non aclara a verdadeira relación coas empresas de Marcial Dorado e hoxe, volveu a utilizar o Parlamento para non responder ás preguntas que dende a oposición formulamos.
