A Xunta confirma ao BNG que instalará o Parque eólico "Pedras Negras" na Comarca do Morrazo, a pesar do "negativo impacto ambiental" e contestación social contra o proxecto
A deputada nacionalista, Montse Prado indicou que a instalación provocará importantes prexuizos para as persoas vinculadas ao aproveitamento do monte e criticou o "dobre raseiro" da Xunta de Galiza á hora de cumprir a lei
Na súa intervención, a nacionalista lembrou a resposta social contra a intención da Xunta de instalar o parque eólico polo severo impacto nunha zona considerada todo un referente de riqueza patrimonial, natural e paisaxística.
Asemade, Prado salientou os graves prexuízos que provocará esta instalación para todas aqueles colectivos e persoas vinculadas ao aproveitamento do monte.
A deputada explicou que o proxecto contempla instalar 14 aeroxeradores cunha altura de 120m e 12 metros de diámetro nas pás, unha envergadura importante que sen dúbida, dixo, provocará un impacto negativo na zona que deberá soportar 17 qm de víal de acceso, zanxas e a construción dunha subestación eléctrica.
A este proxecto, dixo, hai que engadiu a posibilidade de engadir no futuro 18 aeroxeradores máis situados en Bueu e Cotorredondo.
Na súa intervención, Prado salientou a grande resposta social da comarca do Morrazo contra esta instalación que ameaza espazos naturais, arqueolóxicos e a actividade forestal e gandeira, todas as comunidades de montes, afirmou, responderon de maneira unánime contra o proxecto e en defensa dos montes en man común.
A Xunta confirma a instalación do parque
Trala intervención da nacionalista, o director de Industria, Bernardo Tahoces confirmou que a Xunta seguirá adiante co proxecto ao que a parlamentaria do BNG respondeu que é necesario manter os recursos naturais e sociais da zona e non limitarse, como fai a Xunta a beneficiar os intereses de determinada empresa polo que pediu unha avaliación do proxecto sobre os aspectos destrutivos da instalación eólica porque o proxecto, dixo non se xustifica desde ningún punto de vista, nin ambiental, nin económico nin socialmente.
Pola súa parte, o director xeral de Industria, Bernardo Tahoces confirmou que a instalación do parque eólico será unha realidade e avanzou que cumprirá a fase prevista pola Xunta de Galiza porque segue o proceso de tramitación administrativa pertinente, se está a cumprir a lei, nin máis nin menos concluíu.
A Xunta cumpre a lei para os parques eólicos pero a modifica para seguir mantendo a ENCE
A deputada criticou o dobre raseiro da Xunta de Galiza por utilizar a lei para instalar parques eólicos, a pesar da súa agresividade contra o medio ambiente e non facer o mesmo coas sentencias que prohiben a segregación do alumnado nos centros concertados, o decreto do plurilingüismo ou modificar a lei para prorrogar o asentamento de ENCE na ría de Pontevedra.
