Carme Adán e Cosme Pombo levan ao Parlamento a denuncia de alumnos e alumnas contra o docente da USC por apoloxía da homofobia
Expresións como: A homosexualidade é contaxiosa, os homosexuais carecen de hombria para educar, desviacións condutuais, sodomía, violacións e corrupción de menores comparadas coas vodas gay, son algunhas das manifestacións do profesor universitario Domingo Neira García nas súas clases.
Os nacionalistas trasladan á Cámara galega, a través de diversas iniciativas parlamentarias, a denuncia formulada polos propios estudantes contra a práctica docente de Neira García baseada na lectura obrigatoria dun texto da súa autoría baixo o titulo Didáctica para el Crecimiento Socio-personal.
O pretenso manual, asegura o alumnado, recolle reflexións irracionais e despectivas que nada teñen a ver cos contido formais da materia aprobados e verificados pola propia Universidade.
No texto, Domingo Neira García identifica a homosexualidade coa pederastia e mostrase contrario a permitir que unha parella do mesmo sexo acceda á adopción ante o perigo de pasarlle o seu mal aos fillos.
O BNG considera que a situación xerada por Neira García constitúe unha vulneración das liberdades e dereitos das persoas polo que esixirá, en sede parlamentar, unha resposta contundente do Goberno galego contra este tipo de prácticas.
Os nacionalistas, Carme Adán e Cosme Pombo, ambos docentes, agardan unha resposta da Consellería de Educación de repulsa ás manifestacións homofobas do profesor Neira e confían que nas aulas universitarias galegas non se produzan no futuro situacións semellantes porque a formación do alumnado, afirman debe basearse no respecto ás persoas e aos seus dereitos e non fomentando actitudes discriminatorias
