A portavoz do BNG no Congreso, Olaia Fernández Davila, e Rosana Pérez, asinaron unha declaración conxunta, con todos os grupos políticos da oposición no Congreso, para denunciar a reforma dos concellos que está a levar a cabo o Goberno do PP e que está a ser moi contestada.
Davila e Rosana Pérez participaron na comparecencia conxunta no Escritorio da Cámara no que leron a declaración. Manifestaron que a reforma do PP non resolver os problemas reais dos concellos. Pola contra, erosiona a autonomía local e non respecta as competencias municipais, non ten en conta os principios de proximidade e de equidade na prestación dos servizos públicos, non respecta as competencias das CC.AA recoñecidas nos Estatutos de Autonomía e pón en perigo a prestación dos servizos sociais básicos.
Instaron ao PP á busca do necesario consenso para acadar maiorías sociais. Pediron a retirada do anteproxecto e emprazaron ao Goberno a facer un novo.
