A deputada afirmou que a única intención de Feijóo e do Partido popular, é promocionar a megamineria en Galiza co espolio dos nosos recursos
Pleno- A parlamentaria do BNG, Carme Adán defendeu hoxe unha proposición non de lei co fin de instar a Xunta a retirar o plan de actividades extractivas por non cumprir a lei, demanda que o Partido popular rexeitou.
Adán lembrou que o propio Feijóo afirmou na sesión de control ao Goberno, celebrada esta mañá, que todas as actividades extractivas están suxeitas á lei e ás normas polo que a nacionalista demandou a retirada do plan sectorial industrial de Galiza porque non cumpre a lei, e se Feijóo, dixo, quere cumprir as regras ten que retiralo.
A deputada explicou que en Galiza non existía ningunha normativa para regular a minería ate o 2008, ano no que se aprobou unha norma para ordenar a minería baixo o titulo Lei de Ordenación da Minería en Galiza.
O PP da luz verde a Mina de Corcoesto sen cumprir a lei
O que pretende esta norma, engadiu, é crear un ámbito social representado por todos os sectores, sindicatos e asociacións ambientalistas, montes e concellos mineiros para poder elaborar un Plan Sectorial de Actividades extractivas. A nacionalista acusou ao Goberno galego non desenvolver durante cinco anos a lei que agora utiliza para favorecer a mina de ceo aberto en Corcoesto.
Este Plan sectorial, afirmou, naceu só co apoio do Consello da Minería e ausencia do resto dos axentes sociais.
Para Adán, o plan sectorial industrial do Partido popular só pretende dar luz verde a mina e un proxecto de megamineria en Galiza ao que hai que sumar a publicación dunha subvención para a minería onde a comarca de Monforte é prioritaria.
Una mina contaminante que destrúe o medio ambiente e non produce riqueza agás, para empresa explotadora
A mina de Corcoesto, sentenciou, é contaminante e a empresa multinacional canadiana non podería levar a cabo o proxecto no seu país porque non cumpre as normas.
A ordenación da mineira debe facerse, dixo, segundo a lei, con bases para unha minería sustententable identificando zonas para o potencial mineiro e armonizando as actividades extractivas co resto dos usos do chan, agrario e mediombiental, Corcoesto é o mellor exemplo de que todo isto non se cumpre.
O PP consinte en Galiza unha minería que en Europa non está lexitimada, dende o BNG, dixo, defendemos o cumprimento das leis e pedimos a retirada do Plan sectorial das actividades extractivas en Galiza porque vai espoliar os nosos recursos, destrúe o medio ambiente e non produce nin emprego nin riqueza.
