A deputada do BNG, acusou ao goberno galego e ao Partido popular de trato de favor a ENCE e de modificar a Lei de Costas Ad hoc para seguir mantendo a pasteira na ría de Pontevedra
No transcurso dunha pregunta parlamentaria sobre os convenios asinados pola Xunta con ENCE dende o ano 2009, as taxas a aboar polo uso do peirao de Ribadeo, a aplicación á empresa do canon da auga e o coeficiente de vertedura nos anos 2013-14 e 2015, a deputada do BNG, Montse Prado afirmou que ENCE tería que pagar cinco millóns de uros ao ano polo consumo de auga aos que sumou outros cinco millóns polas verteduras, sen embargo, recalcou, paga unha cantidade ridícula, "900.000 euros".
A maiores, dixo a nacionalista, no ano 2011 a Xunta asinou un convenio con ENCE para embarcar a pasta de papel coa que conta a empresa en Navia cunha rebaixa das taxas dun 60% no peirao de Ribadeo.
O Goberno xustifica a rebaixa do 60% a ENCE en taxas portuarias
Pola súa parte, o presidente de Portos de Galiza, José Durán Hermida respondeu á nacionalista que Portos de Galiza só ten asinado un convenio cun contido demasiado extenso para abordalo nunha comisión parlamentaria polo que se comprometeu a entregar unha copia a deputada para a súa lectura. Sobre a rebaixa do 60% das taxas polo uso da pasteira no peirao de Ribadeo, explicou que o convenio foi amplamente publicitado no seu momento.
A parlamentaria, tras recibir a documentación do presidente de Portos de Galiza reiterou o trato de favor do Goberno galego e criticou que a Xunta deixe de ingresar 10 millóns de euros en conceptos de consumo de auga e verteduras de ENCE porque a empresa só abona 900.000 euros ao ano ao hai que sumar, dixo, o 60% da rebaixa das taxas por utilizar o peirao de Ribadeo.
A nacionalista asegurou que o contido do convenio constata o agasallo e trato de favor do Goberno galego a ENCE.
