Parabéns do BNG ao FMLN pola elección de Salvador Sánchez como novo presidente salvadoreño

O Bloque Nacionalista Galego enviou ao Secretario Xeral da Frente Farabundo Martí para a Liberación Nacional (FMLN) unha mensaxe de felicitación pola elección de Salvador Sánchez Cerén como novo Presidente de El Salvador.

Para o BNG, a elección como novo presidente do antigo comandante guerrilleiro Leonel González confirma “a firme vontade do povo salvadoreño de dar continuidade ao proxecto transformador iniciado pola FrenteFarabundo Martí para la Liberación Nacional (FMLN) nestes 5 años de goberno presididos por Mauricio Funes, ao tempo que se recoñece unha dilatada traxectoria histórica de loita revolucionaria por construír un El Salvador plenamente democrático e soberano”.

Sinala tamén a comunicación enviada que o BNG, que enfronta unha loita constante contra as políticas impostas pola Troika e o goberno Español e ao tempo pola liberdade e a soberanía da nosa nación, se sente plenamente solidario “con todos os povos que, como o de El Salvador, reafirman cada día a súa vontade de preservar a soberanía e independencia nacional para a pór ao servizo d@s traballador@s e da construción dunha sociedade libre, xusta e igualitaria”.