Jorquera xulga un "parche" o acordo de Alemaña, Franza, España e Italia sobre o crecemento
O candidato nacionalista á Presidencia da Xunta de Galiza asegura que o acordo dos catro xefes de Goberno da U.E non contribuirá ao crecemento económico de Europa.
Francisco Jorquera cualificou hoxe de simple parche o acordo acadado onte entre os xefes dos estados de Alemaña, Franza, España e Italia para o estimular o crecemento económico da U.E
Un acordo insuficiente para o impulso de crecemento económico en Europa
O deputado asegurou que este acordó é insuficiente porque aposta por un Plan de 130 mil millóns de euros para o conxunto da Unión Europea mentres no Estado español levánse movilizado 118 mil millóns de euros para sanear á banca privada con recursos públicos.
Francisco Jorquera tamén aludiu ao resgate dos bancos para os que son precisos 66 mil millóns ante o que reclamou un cambio de rumbo da política europea, superar as políticas de recortes, rexeitar a suba do IVE e revisar o papel do Banco Central Europeo que no canto de beneficiar aos estados está a refinanciar á banca privada
Reforma da Política Pesqueira
O deputado e candidato á presidencia da Xunta de Galiza realizou estas declaracións minutos antes de comezar o encontró co sector pesqueiro organizado polo BNG na vila pontevedresa de Moaña para explicar o contido da Reforma da Política Pesqueira Común e reivindicar un novo estatus de Galiza na U.E nesta materia.
Francisco Jorquera, acompañado da eurodeputada do BNG, Ana Miranda e o deputado no Parlamento galego, Bieito Lobeira, reclamou o recoñecemento da potencialidade de Galiza en materia pesqueira e marisqueira, porque Galiza, dixo, precisa políticas que aposten por esta capacidade produtiva.
Jorquera lembrou que na entrada do Estado español na U.E, Galiza era a primeira potencia pesqueira de Europa, e agora, engadiu,nos tres últimos tres anos, perdéronse 198 buques e 1.600 postos de traballo.
Galiza precisa que Europa recoñeza o seu estatus en materia pesqueira e marisqueira
Para o deputado no Congreso, esta situación é consecuencia dunha marxinación da flota galega en favor doutras flotas pesqueira, frente a isto, afirmou, debemos reclamar a nosa capacidade para decidir e non podemos tolerar que o futuro do sector naval e pesqueiro sexa decidido en Bruxelas ou en Madrid mantendo a Galiza á marxe.
Fontes de financiacimamento
Jorquera asegurou que é necesario insuflar medios económicos á flota galega ao fin renovar a flota avenllentada coa construcción de novos buques.
O parlamentario avogou pola Banca galega pública como solución para resolver os problemas de financiamento e para evitar escándalos indecentes como as indemnizacións millorarias a directivos ou emisión das participación preferentes.
Dimisión de Mauro Varela
Sobre este producto financeiro, que afecta a máis de 70.000 galegos e galegas, Francisco Jorquera aludiu ás recentes declaracións do copresidente de Novacaixagalicia, Mauro Varela nas que insultaba aos galegos e galegas afectados ao afirmar que sabían o que facían e tiña toda a información.
Jorquera pediu a dimisión do directivo e manifestou, no seu nome e no do BNG, a indignación por estas palabras polo que reclamou a constitución dunha Comisión de investigación no Parlamento galego para depurar responsabilidades neste engaño masivo.
90 emendas á Reforma da Política pesquería
Trala intervención de Francisco Jorquera, a eurodeputada Ana Miranda e o deputado Bieito Lobeira explicaron as emendas máis significativas presentadas polo BNG en Bruxelas á Proposta do novo regulamento que establecerá as regras para o sector pesqueiro no período 2014-2020.
Miranda e Lobeira coincidiron na diagnóse do sector pesqueiro galego e amosaron o seu apoio á pesca artesanal que debe incluír buques de 15 metros de eslora ou que realicen mareas de ata 36 horas.
Entre as emendas nacionalistas tamén figura a demanda da supresión do principio de estabilidade relativa que resulta discriminatorio no reparto das cotas de pesca entre os Estados.