O BNG volve preguntar no Parlamento polos atascos da AP-9

A deputada, Ana Pontón esixiu unha resposta sobre as actuacións da Xunta contra os atascos na AP-9

 A parlamentaria do BNG, Ana Pontón formulou unha pregunta na comisión de Ordenación do Territorio relativa aos atascos producidos na AP-9 e as actuación da Xunta ao respecto, en acadar ningunha resposta concreta ás cuestións formuladas.

Asemade, tamén preguntou se a Xunta de Galiza ten previsto sancionar á concesionaria despois dos “colapsos” producidos durante o verán con “retencións quilométricas” nas cabinas das peaxes.

Pola súa parte o director xeral de Mobilidade afirmou que a Xunta xa se pronunciara sobre este problema cando manifestou que “lle desagradaba” o acontecido e o servizo non era bo sen embargo matizou que segue sendo unha competencia do Estado a pesar de que o Goberno galego xa mostrou a súa intención de pedir o traspaso a Galiza.

Na quenda de réplica, a nacionalista pediu que as reclamacións da Xunta ao Goberno do Estado sexan de maneira formal e non a través dos medios de comunicación e titulares, “hai que actuar e reclamar nas administracións con competencias”.

Pontón reiterou a súa pregunta sobre a valoración da Xunta no referido aos continuos atascos nas autoestradas, que fixo o Goberno e cal foi o resultado das súas actuacións para resolver este problema? “Non queren responder porque en realidade non fixeron nada”, afirmou.

Sobre as posible sancións a AP-9, a deputada tampouco acadou ningunha resposta satisfactoria do membro do Goberno interpelado, “indefensión absoluta dos cidadáns fronte unha concesionaria que está a cometer unha estafa legal”, concluíu.