O BNG ratifica o seu apoio á promotora do Espazo parlamentar en defensa dos animais

O Bloque Nacionalista Galego comprometeu  o seu apoio á asociación Galiza mellor sen touradas, promotora do Espazo Parlamentar en defensa dos animais, que se constituiu na pasada lexislatura na Cámara galega.

A viceportavoz segunda do GP do BNG, Ana Pontón, mantivo un encontro informal con dous dos voceiros desta asociación, Rubén Pérez e Lidia Seoane, para ratificar a disposición do grupo nacionalista a dar pulo e pór a traballar ese Espazo.

Ana Pontón avanzoulles tamén que os deputados e deputadas do BNG sumaranse á nova iniciativa na que está a traballar esta asociación: unha “fronte antitaurina” de adhesión individual de cada parlamentar, por coincidir en que non se trata dunha “festa” e moito menos de “cultura” senón dun “espectáculo brutal” que, ademais, se tenta introducir en Galiza de forma artificial.