Vence na Diada: "Cando un pobo decide facerse co seu futuro é imparable"
O BNG participou nos actos de celebración da Diada convidado por ERC e valora que a decisión da sociedade catalá de decidir o seu futuro e apostar por unha Catalunya independente non ten marcha atrás.
Desde a evidencia de que os tempos políticos son diferentes en Galiza e Catalunya, Vence considera que os galegos e as galegas debemos asumir coa mesma decisión que os nosos problemas non se van resolver desde fora, que o futuro depende de nós e que España é un corsé que impide o desenvolvemento doutras nacionalidades.
A representación do BNG, encabezada polo portavoz nacional, Xavier Vence, e pola secretaria de Política Internacional, Ana Miranda, aproveitou a estancia en Barcelona para manter contactos ao máximo nivel coa dirección de ERC, incluído o seu presidente, Oriol Junqueras, e con outras forzas soberanistas do resto do Estado.