Jorquera revela que a Xunta non "fixo nada" por manter NCG Banco en Galiza
Francisco Jorquera mostra na Comisión de Economía a resposta do Goberno central ao BNG na que certifica que a Xunta "non realizou ningunha demanda" para manter territorializada en Galiza a NCG Banco
O portavoz do grupo nacionalista tamén denunciou a perda da galeguidade dos Bancos Pastor, Gallego e Echeverría e alertou da posible venda do NCG Banco a Bankia
O portavoz do grupo parlamentario do BNG, Francisco Jorquera formulou hoxe unha pregunta ao Goberno relativa á posición da Xunta de Galiza sobre o futuro de Novagalicia Banco.
Na súa intervención, o parlamentario leu unha resposta do Goberno central ao BNG que confirma a inexistencia de calquera demanda da Xunta de Galiza para contar cunha entidade financeira territorializada e contra a venda de Novacaixagalicia Banco.
Neste sentido, denunciou que o Partido popular esta preparando o deseño adecuado para que Bankia poida absorber a caixa galega e perder definitivamente a súa galeguidade como aconteceu xa cos bancos Pastor, Galllego e Echevearria.
Novacaixagalicia Banco en fase terminal
O deputado dixo que Novacaixagalicia Banco atopase nunha situación terminal pese a visión que o Goberno galego pretende proxectar publicamente.
Jorquera lembrou que o Partido popular gobernou toda a vida en Galiza, agás o breve período do bipartito, e ao final, dixo, vai resultar que o PP, no seu afán de culpabilizar ao bipartito de todo o que acontece tamén lle botará a culpa dos atentados de Boston, vostedes, gobernaron toda a vida en Galiza, repetiu e limitaron as competencias económicas en materia de caixas e tamén apoiaron o proceso de bancarización no noso país.
O nacionalista insistiu que foi o Partido popular o que apoiou a reforma da LORCA así como a maioría dos decretos de reestruturación bancaria durante o período Zapatero.
Jorquera asegurou que o proceder do Partido popular conleva unha responsabilidade política sobre o mantemento de Novagalicia Banco territorializada en Galiza da que algún día terá que dar explicacións.
O parlamentario recordou que a resposta do Goberno central ao BNG no Congreso dos deputados sobre as nulas xestión da Xunta para manter a caixa galega foi tamén transmitida ao propio presidente da Xunta nunha sesión plenaria pero naquel momento, afirmou Jorquera, o Presidente da Xunta non me rebateu.
O portavoz do BNG no Parlamento galego avanzou que esta forza nacionalista continuará na senda de reclamar manter a caixa galega territorializada en Galiza e cunha función pública.