Jorquera critica que a investigación das Caixas chegue "tarde, mal e arrastro"
O portavoz parlamentario acusou ao Partido popular de agardar a que se consumase a liquidación do sector financeiro galego para levantar o veto a creación da comisión e lamentou que sega sen apoiar a conversión de NGB en banco público galego
Na súa intervención, Jorquera afirmou que o Partido popular agardou a que se consumase a liquidación do sector financeiro galego para levantar o veto á creación da Comisión.
O BNG pide celeridade na investigación
O portavoz parlamentario explicou que a posta en marcha desta Comisión é consecuencia da indignación e demandas da cidadanía polo que o BNG non vai consentir que o PP pretenda facer un un paripé nin unha comisión para facer traballos de arqueoloxía, as comisións, afirmou, son necesarias para investigar a fondo as causas, responsabilidades e consecuencias do acontecido nas caixas.
Caixas galegas trufadas de preferentes
Asemade, o parlamentar tamén preguntou polas razóns que levaron a Núñez Feijoo a afirmar publicamente que o capital das caixas estaba trufado de preferentes sen telo denunciado no seu momento, agardamos, apostilou, que a Comisión de Investigación esclareza tamén este extremo.
Por outra parte, e como xa fixera o BNG a través dun escrito dirixido recentemente á Mesa do Parlamento para denunciar a inactividade parlamentaria tralas eleccións, Jorquera insistiu na necesidade de principiar, canto antes, os tráballos da Comisión polo que pediu habilitar o mes de xaneiro.
Banca Públlica
Por outra parte, no transcurso da mesma sesión plenaria, a Cámara galega volveu a amosarse contraria á conversión de Nova Galicia Banco nunha entidade pública de crédito dependente dos poderes públicos galegos, tal e como reclamaba o BNG.
A través do seu deputado Carlos Aymerich, o BNG volveu defender sen éxito en sede parlamentar unha proposición non de lei co obxecto de demandar do goberno español a transferencia da participación que ostenta o Estado en NGB, pois considera que só grazas a unha banca pública galega se poderá garantir a pervivencia do sistema financeiro galego e que o crédito flúa ao servizo dos intereses da economía produtiva e a creazón de emprego no País.
A iniciativa, que contou co respaldo de AGE, tamén instaba ao goberno a impugnar ante o tribunal constitucional a Lei de Reestructuración e resolución de entidades de crédito.
Aymerich preguntouse se acaso Nova Galicia Banco non é unha entidade sistémica a nível galego, cando detenta arredor do 40 por cento dos aforros deste País, por iso considera que está máis que xustificado reclamar a súa conversión en banca pública.