O goberno galego ten que explicar na Cámara a brutal redución do novo hospital de Vigo
O portavoz municipal do BNG, Santi Domínguez, e a deputada no Parlamento galego, Carme Adán, demandaron a comparecencia do goberno galego para que dea conta da brutal redución que se está acomentendo no novo hospital de Vigo, cifrada en 70.000 metros cadrados. Os nacionalistas anunciaron a presentación de sendas iniciativas no Concello de Vigo e no Parlamento galego reclamando, respectivamente, o pronunciamento da Corporación, e explicacións ao executivo.
Escándolo sanitario e financieiro
O portavoz municipal nacionalista criticou que ese aforro ás concesionarias será a costa da asistencia, o número de camas, quirófanos e a atención de urxencias do novo hospital de Vigo. Non podemos estar calados diante deste atropello á sanidade pública, defendeu, ao tempo que asegurou que estamos diante dun escándalo sanitario, senón tamén financeiro. Santi Domínguez asegurou que o grupo municipal nacionalista esixirá que a Corporación municipal se pronuncie diante deste escándalo. Avanzou tamén que o BNG demandará que se remita o novo proxecto construtivo a todos os grupos con representación municipal.
Estamos falando de que a Xunta vaille aforrar a unhas empresas privadas 70 millóns de euros
A deputada no Parlamento galego, pola súa banda, subliñou que o sanitario, e en concreto a construción do novo hospital de Vigo, é un tema que para o BNG é moi importante. Neste sentido defendeu que a redución do proxecto executivo nos leva a esixir que o goberno galego dea explicacións claras sobre o proxecto construtivo.
Algúns recortes
Carme Adán debullou algún dos recortes contemplados no proxecto contrutivo. Deste xeito, indicou que a respecto do tamaño inicial, os bloques de quirófanos e ambulatorios terán unha redución total de 70.000 metros cadrados. O bloque de urxencias terá unha redución do 50%, que nas consultas para adultos será do 35% e nas pediátricas do 18%; mentres que no espazo referido á exploración para adultos será do 57% e o correspondente a pediatría do 17%.
A respecto dos quirófanos, a deputada do BNG detallou que serán 8 menos os contemplados no proxecto inicial, o cal supón unha redución do 24%. Tamén falou o recorte que se fai nas salas de observación e de consultas, cifrado no 18% a respecto do proxecto inicial, e do 7% nas cabinas de exploración.
A nacionalista asemade fixo referencia ao número de camas e indicou que o anterior proxecto incluía 224 camas individuais, mentres que agora atopamos que as camas individuais son 56, o mínimo obrigatorio, o cal supón unha redución do 75, criticou.
Considerou que no proxecto de execución hai outro dato alarmante a respecto do hospital de día, xa que se reduce o número de camas un 94%. Neste sentido, concretou que no proxecto básico incluíanse 102 camas, mentres que no actual se contemplan 6 camas e 64 sillóns. Tamén puxo de manifesto o recorte no servizo de diálise, que reduce un 41% o número de camas.
Apuntou, por outro lado, a incertidume a respecto do laboratorio, que o proxecto inicial o ubicado nnovo hospital, mentres que na actualidade Sanidade baralla que continúe no Meixoeiro. Precisamente sobre este hospital do Meixoeiro a deputada do BNG lembrou que xa non será centro oncolóxico, como estaba previsto inicialmente, mentres que a torre do Xeral tampouco será un centro de alta resolución.
Diante destes datos chamativos, Carme Adán defendeu a comparecencia da conselleira de Sanidade e o goberno galego. Teñen que explicar a diferenza entre entre o proxecto básico e o de execución, reclamou. Demandou ademais que a Xunta explique se as achegas á empresa concesionaria tamén vai ser menor.