Davila solicita a comparecencia de Guindos para ampliar o prazo da arbitraxe aos preferentistas
O prazo remata xa o 12 de xullo
Ante a inminente finalización do prazo do 12 de xullo fixado para o procedemento de arbitraxe para as miles de persoas afectadas polas participacións preferentes e subordinadas e a necesidade de amplialo debido á escasa marxe temporal ofrecido que vai impedir que máis da metade dos estafados e estafadas poidan recorrer a esta vía.
Davila quer que o titular de Economía compareza canto antes nunha sesión estraordinaria para demandarlle a ampliación do prazo récord que se estableceu para os procedementos de arbitraxe e que está claro que son escasos, insuficientes e se non se amplían deixarán fóra a máis do 50% dos afectados.
Unha inxustiza non pode ser resolta con outra inxustiza
Esta solicitude urxente do BNG será debatida e votada na sesión da Deputación Permanente do vindeiro xoves ás 16 horas, sesión na que tamén se debatirá a solicitude das nacionalistas galegas para que compareza Soria pola grave situación do Tax Lease.
Davila lembra que no caso das preferentes é inxusto este xeito de proceder porque estamos ante roubo, unha grande estafa da banca, e o Goberno ten a obriga de atender adecuadamente aos afectados e afectadas. Pón de manifesto que das 80.000 persoas afectadas na Galiza, e só 36.000 puideron acceder ao procedemento de arbitraxe, unha cifra que está por debaixo do 50%.