BNG impulsa un acordo para dedicar fondos propios, estatais e europeos para os sectores afectados economicamente polo impacto do peche transfronteirizo de Galiza

A proposición non de lei defendida pola deputada  do BNG, Noa Presas acadou o apoio  da Comisión de Economía, tras chegar a un acordo  unánime dunha proposta transaccionada nos seguintes termos:

“O Parlamento galego insta a Xunta de Galicia a:

1. Promover a realización dun estudo, en colaboración co sistema universitario galego, para coñecer o dobre impacto da COVID e do peche de fronteira nas actividades económicas dos concellos transfronteirizos de todo o país.
2. Impulsar, en colaboración con todas as administracións e coas AECT, un plan especial para demandar compensacións con cargo a fondos propios, estatais ou europeos para os sectores dobremente afectados pola COVID e polo efecto peche da fronteira.
3. Demandar a dotación de fondos extraordinarios por parte dos estados e da UE ao abeiro do Plan europeo de recuperación Pos-COVID (NEXT EU), así como do Marco Financeiro Europeo 2021-2027 e promover a posta en marcha dun Investimento Territorial Integrado de carácter Transfronteirizo (ITI) concertado entre ambos países e dotado financeiramente con cargo a fondos europeos do Marco Comunitario reforzado 2021-2027, como instrumento para a reactivación económica e o desenvolvemento deste territorio dobremente afectado pola COVID e polo impacto da reposición da fronteira.”