O BNG vén de coñecer as novas actuacións que o Ministerio de Transportes realizará en infraestruturas da rede viaria galega co obxectivo de mellorar a seguranza viaria. Actuacións recollidas, lembra a frente nacionalista, no Acordo de Investidura, como na N-550, N-640 e N-120 e outras, a través do traballo do BNG durante estas dúas lexislaturas con iniciativas para reclamar o compromiso do Goberno como na N-547, N-634, N-525, N-540 e o impulso para a construción da A-54 que conecta Lugo coa capital galega. Alén do máis, a organización nacionalista avanza que estará vixiante para o cumprimento íntegro do plan plurianual 2024-2028 de actuacións urxentes e lembra que quedan estradas pendentes de realizar melloras.
BNG celebra que o MITMA comece a cumprir os compromisos de mellora da seguranza viaria nas estradas do Estado
As actuacións urxentes na rede viaria galega era un dos puntos recollidos no Acordo de Investidura conseguido polo BNG
Entre as infraestruturas en que se acometerán obras atópanse a N-550, a N-640 e a N-120
Froito do traballo incansábel do BNG nas Cortes reclamando ao Goberno do Estado maior implicación, tamén se realizará actuacións na N-540, a N-547, a N-634 e o impulso na construción da A-54
