Jorquera: O PP vai reformar o Parlamento dando un pucheirazo

O nacionalista criticou que o PP debata unha reforma electoral para garantir a súa maioría absoluta mentres impide debates para extirpar a corrupción da vida pública e solucionar a dramática realidade de 290.790 persoas sen emprego A reforma electora,l impulsada polo PP, para recortar de 75 deputados a 61 seguirá o seu trámite parlamentario baixo as acusacións do BNG de pucheirazo do Partido popular e buscar un Parlamento anano para un autogoberno anano.Carteis nos escanos contra o Pucheirazo do PPDurante o debate da proposición nacionalista, a que asistiu dende o público o Portavoz nacional do BNG, Xavier Vence e a responsábel de Política municipal, Goretti Sanmartín, o grupo parlamentario exhibiu nos escanos un cartaz co lema Non ao pucheirazo do PP.Na defensa da alternativa nacionalista, Francisco Jorquera denunciou que a intención do Partido popular non é outra máis que reformar o Parlamento, dando un pucheirazo para manter a súa maioría absoluta, que a dia de hoxe, sabe perdida.O PP segue furtando os debates sociais e contra a corrupciónO nacionalista criticou que o PP defenda unha proposta amplamente rexeitada pola oposición mentres segue impedindo os debates sobre como extirpar a corrupción da vida pública ou a situación dramática de 290.790 persoas sen emprego, non son votos, son persoas, son os parados e paradas que hai en Galiza, e hoxe este Parlamento debería estar falando disto, dixo.Jorquera tamén preguntou ao PP que respostas vai dar a unha sociedade indignada ante as revelacións da Operación Pokemon ou como vai combater o nepotismo, tras conceder unha praza de maneira irregular ao marido da Conselleira de Sanidade.O parlamentario tamén reprochou ao grupo marioritario traer ao primeiro pleno da Cámara galega unha reforma que representa un pucheirazo do Partido popular coa intención de modificar, ao seu albedrío, a Lei electoral, unha norma non escrita nunha democracia que de cambiar as regras de xogo deben procurar o maior consenso ou, cando menos, maiorías cualificadas e non de maneira unilateral como pretende o PP.Un partido engadiu, que a pesar de ter maioría nesta cámara, non a tivo nas urnas, obtivo o 45% dos votos emitidos e o apoio de menos do 25% do total dos electores e agora pretende usar esa maioría para perpetrar ese pucheirazo legal. O PP recorta a democracia apelando ao aforro O portavoz do BNG defendeu un modelo contrario ao proposto polo Partido popular empeñado en recortar a democracia e o autogoberno amparándose no aforro que cualificou de falso argumento porque, estamos a falar só dun millóns de euros ao ano, catro millóns nunha lexislatura cando na pasada lexislatura o Goberno Feijóo gastou máis de 25 millóns de euros en propaganda. Por outra parte, indicou que o Partido popular esquece o aforro cando pretende reforzar as deputacións provinciais, ao seu xuízo, institucións caciquís, ministerios innecesarios con competencias que xa desenvolven as CC.AA, Senado, Delegacións do Goberno e postos que se poden aforrar na Casa Real.Jorquera explicou que canto menor sexa o número de escanos escollidos por unha circunscrición, maior será a sobrerepresentación con que prima a Lei D Hont aos grandes partidos e coa proposta do PP, Ourense o Lugo obterán menos do 6 ou incluso o 7% dos votos, polo que ficarán fora do Parlamento. Ademais, posibilita que unha forza con menos do 40% dos votos teña o 50% da representación na cámara. Propostas do BNG para reformar a lei electoralFronte ao modelo do PP, o BNG defende: máis igualdade establecendo a paridade de xénero nas listas con listas cremalleiras alternando sexos, prohibir o envío de papeletas por correo, esixir a utilización da cabina antes da emisión do voto na urna, desterrar as carretaxes e coaccións na xornada eleitoral, contemplar a obrigatoriedade dos debates, regular a cobertura da campaña electoral por parte dos medios públicos para asegurar a difusión das distintas propostas. Pero ante todo, si se aborda unha reforma electoral debe ter como obxectivo profundizar na democracia e non recortar como pretende o Partido popular.Neste sentido, o BNG propuxo establecer un sistema proporcional puro na asignación de escanos entre as distintas candidaturas para que teña o mesmo valor un voto do PP, do BNG, de AGE, do PSOE ou calquera outra formación, nas pasadas elección houbo candidaturas que acadaron un escano por cada 16.128 votos e outras con 22.314 e hai provincias que acadan un escano por cada 47.769 habitantes e outras por cada 23.435, o Bloque, reclama eliminar a división provincial e que Galiza sexa circunscrición única para resolver os desequilibrios actuais.O parlamentario rematou a súa intervención anunciando que o BNG defenderá ademais, unha reforma da lei de Iniciativas Lexislativas populares e Consultas populares.Descarga a proposta do BNG de reforma da lei electoral