Davila exixe a Rajoy a Comisión de Investigación do Alvia e "agardamos que non repitan no Goberno"

A portavoz do BNG no Congreso, Olaia Fernández Davila, subiu á tribuna da Cámara Baixa portando na solapa a reivindicación dunha Comisión de Investigación do Alvia, un dos temas tratados na súa intervención. Ademáis de repasar as políticas máis destructivas do Goberno Rajoy, Davila levou a Galiza a este último Debate de Política Xeral da lexislatura.A deputada do BNG reprochou a Rajoy o lamentábel panorama social que deixaron as súas políticas nestes catro anos: O seu Goberno adicouse a amargarlle a vida aos cidadáns desde o inicio. Gobernaron en contra da poboación, e onte acudiu a este debate a vanagloriarse dos seus éxitos como se a política de recurtes non tivese consecuencias. A súa intervención foi un insulto en toda regla.GALIZA no Debate de Política Xeral da mán do BNGOlaia Fernández Davila levou a Galiza ao Debate de Política Xeral acusando a Rajoy de ter sido un Goberno nulo e incumpridor co noso pais. Criticou ao seu Goberno pola operación de desfeita das Caixas galegas co obxectivo de lle entregar o poder financeiro e os nosos aforros ao sector privado e aos oligopolios. Acusouno de ter impedido que Galiza puidese ter un sistema financeiro público ou semipúblico como lle pedimos do BNG unha vez que a Caixa galega foi resgatada con carto público pero optaron por vendela a prezo de saldo.Por incumprimentos Davila referiuse aos incumprimentos das partidas que cada ano se contemplan nos Orzamentos do Estado. Practicaron a pura propaganda en todos os Orzamentos, inflando partidas destinadas a investimentos no noso pais, que non foron executadas en 2014 en máis dun 40%, tanto partidas medioambientais como viarias ou ferroviarias.A cambio dun AVE que non chega nunca, paralizado en varios tramos e ao que lle rebaixaron condicións, sinalou, ademáis de mencionar o desmantelamento da nosa rede ferroviaria interior, a saturación e o prezo abusivo en media distanza, así como a inexistencia de cercanías. No mesmo eido das infraestruturas, Davila aludiu á AP-9: Padecemos unha política despótica dunha concesionaria da AP-9 que nos nega servizos de calidade e merma a competitividade das nosas empresas.A continuación fixo un repaso polas principais dificuldades polas que atravesan os sectores produtivos galegos. Empezou polo naval. Agora xa sen veto da UE sobre Navantia Fene, segue en deterioro, a industria auxiliar agoniza e a situación social, económica e laboral de Ferrolterra, con máis dun 34% de paro, voltouse insostíbel mentras vostedes non conseguen carga de traballo e miran para outro lado.Igual que o sector lácteo, engadiu, que continúa agardando a que se lles garanta un prezo xusto do leite en orixe. E subliñou que o leite de Galiza valería 30 millóns de euros máis se ao noso sector se lle pagasen os mesmos prezos que no resto do estado. En canto á pesca, recriminou a Rajoy o recurte de cotas na pesca de litoral que impiden que a pesca poida ser rendábel. Lembroulle que só após de que o BNG e o propio sector denunciase perante a Comisión de Pesca da UE a inxustiza de prohibir a arte de o xeito, foi cando vostedes se moveron.Outro dos sectores nomeados polo BNG foi o da conserva: deixaron á conserva en situación de indefensión fronte á competencia desleal polos acordos comerciais da UE que eliminan aranceis.Comisión de Investigación do ALVIA XA!A deputada do BNG adicou unha especial atención ao grave sinistro do Alvia amosando un cartaz que pedía unha Comisión de Investigación. Davila, que tamén portaba na solapa a mesma reivindicación, criticou ao Goberno pola nefasta xestión que fixeron do accidente e que se constata en cada información que coñecemos. Os dados son sobrecolledores e explican a verdadeira razón pola que se negaron desde o primeiro momento á cada vez máis necesaria Comisión de Investigación que desde o BNG continuamos reclamando.Davila alzou a voz para defender unha Comisión de Investigación do Alvia xa!.A portavoz do BNG tamén reprochou a política do Goberno en materia lingüística porque o Estado, en liña coa que fai a Xunta, retrotraeunos 40 anos atrás e contribuiu a desvalorizar a nosa lingua impedindo a cidadáns galegos exercer os seus dereitos lingüísticos máis fundamentais.No que atinxe ao modelo de estado, a deputada nacionalista considerou censurábel a involución practicada polo Goberno porque negaron e obstaculizaron o dereito a decidir, e recentralizaron competencias invadindo responsabilidades autonómicas. Puxo como exemplo a Reforma Local, e afirmou que canto máis se empeñen en negar a plurinacionalidade do estado, máis nos empeñaremos en defender a identidade e os dereitos da nosa nación.Goberno devastador e demoledorDefiniu o Goberno de Rajoy como un Goberno devastador e demoledor, e acusouno de estar só ao servizo do resgate á banca e da obsesión de redución do défice, para o cal non dubidaron en elaborar un duro paquete de recurtes sociais. Lembroulle de que o sector financeiro xunto coas grandes fortunas foron os únicos que incrementaron os seus beneficios mentras as maiorías sociais se empobreceron.Vostede é o responsábel de que o 66% da poboación do estado se atopa en perigo de exclusión, segundo un informe de Cáritas, e de que só o 34% viva en condicións de integración plena, e de que o índice de probeza infantil se atope entre os máis grandes de Europa, sólo superado por Rumanía.A deputada do BNG criticou ao Goberno de Rajoy por deixar un panorama desolador: unha sanidade pior que hai 30 anos, un desigual sistema educativo e coa universidade erosionada. Censurouno por ter eliminado a Lei de Dependencia, en Galiza 120 millóns menos nos últimos dous anos. Lembrou os danos nos servizos sociais, as onerosas taxas xudiciais que alonxaron a xustiza da cidadanía.Reforma Laboral: máis precarización e emigraciónNo terreo laboral, Davila culpabilizou á Reforma Laboral de ter precarizado o traballo: non só hai máis parados que cando comezaron a gobernar, 57.000 empregos menos en Galiza, senón que o traballo é precario, inseguro, de baixos salarios e por riba aumentou tremendamente a brecha salarial e as mulleres retrocederon anos en igualdade.A emigración foi outra dos problemas reseñados pola deputada do BNG. Ten este Goberno o privilexio de ser o grande promotor da nova emigración que especialmente afecta á mocidade galega. Mozos e mozas de alta cualificación, científicos, que emigran na procura das oportunidades que este Goberno lles negou, á vez que nega avanzos científicos e tecnolóxicos. Neste sentido, puxo de manifesto a alta taxa de desemprego, do 24%, e o feito de que emigraran nestes dous últimos anos 2 millóns de persoas.A portavoz do BNG díxolle ao Presidente do Goberno que fronte a este austericidio hai alternativas para incrementar os ingresos e apuntou a unha reforma fiscal máis progresiva, que grave máis ás rendas máis altas.Salientou as numerosas movilizacións sociais debido á errática política de recurtes: movilizacións polos desafiuzamentos, preferente, pensións de emigrantes retornados, recurtes sanitarios e un sinfín de problemas sociais, que xunto ao labor de oposición de forzas como o BNG se impediu que a cousa fose pior.Reprochou a Rajoy ter criminalizado as manifestacións cidadás, e de ter aprobado a Lei Mordaza, propia de tempos pre democráticos.Corrupción:Finalmente, a deputada do BNG aludiu á corrupción: O bochorno da corrupción que preside o seu mandato e que afecta ao seu partido. Unha corrupción á que non só non fixo frent senón coa que mantén unha clara connivencia que lle convirte en cúmprice da mesma.Rematou Davila desexando que non repita Goberno nin vostede nin o seu partido polo ben da cidadanía e que a próxima lexislatura sexa a da recuperación.RAJOY ELUDE RESPOSTAR Á COMISIÓN DE INVESTIGACIÓN DO ALVIA:A resposta do Presidente do Goberno sobre as cuestións relativas a Galiza que plantexou a deputada do BNG foi moi limitada e reducionista. En materia de investimentos detívose só en infraestruturas viarias como a A-8, a A-54, a A-56 ou o anuncio de que imos pór a primeira pedra da ampliación da AP-9, a circunvalación de Santiago.En materia ferroviaria, dixo algo sabido: a consignación dos Orzamentos para este ano 2015 pero non rebatiu os incumprimentos de Orzamentos. Do AVE a Galiza só sinalou que o obxectivo é rematalo no 2018. E que o Eixo Atlántico vaise rematar este ano.Na cuestión relativa a Navantia fixo unha mistura entre o sector naval privado e o público, explicando o xa coñecido: o flotel de Pemex, sen entrar a comentar que parte do seu traballo vai para a factoría de Cádiz cando o ía facer íntegramente Navantia Ferrol, e aludiu Rajoy aos 2 Buques de Acción Marítima que nin siquera teñen data de inicio de construción.A todas as demáis cuestións plantexadas por Davila sobre Galiza, Rajoy non deu resposta. Especialmente reseñábel é o seu mutismo sobre o sinistro do Alvia, do que nin siquera lembrou ás vítima