Proposición do BNG no Congreso para aumentar as prazas e servizos no conxestionado Eixo Atlántico
Renfe debe atender a alta demanda no Eixo Atlántico
Rosana Pérez pide a Renfe que atenda axeitadamente a alta demanda de viaxeiros e solucione a elevada saturación que estos servizos padecen todos os venres e domingos, días nos que viaxan centos de estudantes universitarios. Critica a deputada do BNG o inmovilismo de Renfe e, sobre todo, que pretenda que nos conformemos co que hai. Non é admisíble que semana tras semana centos de persoas viaxen de pé e coas equipaxes por todas partes.
Afirma a deputada do BNG, que por moito que Renfe se empeñe en dicer que está dentro da norma, para o BNG isto non debe ser a norma. Non imos conformarnos con trens ateigados de xente, viaxando como se fosemos mercadoría.
O pagamento dun título ferroviario debe conlevar certas condicións. E se existe unha alta demanda, poios que a atenda con máis servicos, ou máis prazas.
A xente non pode viaxar como se fose mercadoría
Desde logo, enfatiza a deptuada do BNG, o Eixo Atlántico é unha liña absolutamente rendábel. Reprocha de novo a deputada nacionalista que Renfe emprace aos estudantes a mercar os billetes de Tarifa 4 para segurar o asento cando son moito máis caros. Desde logo é non entender o mundo económico dos estudantes de Universidade, sempre van mercar o billete máis económicos porque son estudantes e non conselleiros de banca.
Ademáis, a parlamentar do BNG cuestiona que se cumpran as marxes de seguridade con persoas viaxando de pé e coas malas estendidas polos vagóns. Rosana Pérez pide a Renfe que deixe de dar excusas de mal pagador e cumpra debidamente, ofertando un servizo en condicións óptimas, en lugar de trens conxestionados.