O PP rexeita as emendas do BNG de rebaixar o IVE en perruquerías, cultura, material escolar e flores
Davila reprochou ao PP que non se avance nun sistema tributario más equitativo e progresivo, plantexando un sistema máis equitativo que gravase máis ás rendas máis altas. Unha das cuestión criticadas pola deputada do BNG é o feito de que o IVE permaneza intocábel. Non se rebaixou o IVE a pesar de que está a prexudicar a destacados sectores económicos, e recae por igual sobre todas as clases sociais. Son impostos universais que non diferenzan segundo a renda de cada cal, que experimentaron unhas subas espectaculares debido ás medidas adoptadas polo Goberno.
Un IVE abusivo
Olaia Fernández Davila fixo especial referencia á necesidade de rebaixar o IVE do 21% que se aplica ás perruquerías, sector que pasou do 8% ao 21%. A suba do IVE neste gremio está a conlevar importantes perdas económicas e de postos de traballo. Na mesma liña, Davila defendeu a rebaixa do abusivo IVE do 21% aplicado á floricultura, á silvicultura e ás plantas ornamentais. Un sector de grande trascendencia na comarca do Baixo Miño, que acadou peso nos últimos anos. Aquí Montoro incumpriu incluso o compromiso adquirido co sector de baixalo e faltou á palabra dada.
Na súa intervención na Comisión, Davila afirmou que o sector produtivo da floricultura, das plantas ornamentais e da silvicultura foron importantes para a dinamización económica e a xeración de emprego, así como no asentamento de poboación en zonas rurais. Como exemplo mencionou ao Baixo Miño onde se crearon 900 postos de traballo neste eido.
Puxo de manifesto a rectificación do Goberno portugués, que primeiro subiu o IVE neste eido, e logo voltou a baixalo ao 8%. Por qué non rectificar e tomar nota e baixalo?.
Outro IVE que o Goberno aumentou desmesuradamente, sinalou Davila, foi o aplicado aos productos culturais e ao material escolar. A decisión de aumentar o IVE desde o 2012 no ámbito da cultura non está a xerar as recadacións que o Goberno presumía, pero si está a producir unha contención no consumo da actividade cultural debido ao encarecemento dos prezos. De igual xeito, o IVE na cultura pasou do 8% ao 21%.
O sector da cultura movilizouse en numerosas ocasións en demanda dunha revisión á baixa do IVE porque está a destruir miles de postos de traballo. Igual de criticábel é o IVE aplicado ao material escolar porque nun momento de grave crise o último que precisan os país e nais é pagar máis ao inicio dos cursos escolares. Considerou intolerábel que se pasase do 4% ao 21% no material escolar.
A pesar das promesas do PP, recalcou, Davila o IVE destes sectores e de productos alimentarios básicos segue polas nubes.