Davila rexeita a lei de Cañete de Avaliación Ambiental porque "vai contra o medio ambiente"

A portavoz do BNG no Congreso, Olaia Fernández Davila, defendeu este mediodía no pleno da Cámara a emenda á totalidade do BNG ao proxecto de lei de Avaluación Ambiental porque “é un paso atrás en materia medioambiental” porque vai acortar os prazos para os estudos de avaliación ambiental.

Criticou a filosofía da lei do PP porque “parte dunha idea preconcebida de que as avaliacións de impacto ambiental e estratéxica entorpecen”. Nesa liña, avánzase cara a integración dos procedementos de Avaliación de Impacto Ambiental e Avaliación Ambiental Estratéxica, precisamente en sentido contrario á dirección da normativa comunitaria.

Ademáis, subliña que tamén se vai cara unha maior centralización e invasión de competencias, “progresando aínda máis na intervención da Administración Xeral do Estado en obras e proxectos de interese autonómico”.

Davila considerou que o proxecto é “inoportuno porque se está na UE nun proceso de reforma das directivas comunitarias. Polo tanto, é máis que previsíbel que esta lei que traen aquí correndo teña que ser revisada para adaptala á nova normativa comunitaria”.

Concluiu Davila que “estamos ante un proxecto de lei con aspiración reduccionista, de acortar os prazos dos expedientes de avaliación ambiental, que afectará á calidade dos estudos de impacto ambiental e repercutirá na prevención e protección medioambiental”.