O BNG pide responsabilidades á Xunta polos danos no petróglifo de Campo Lameiro

Ana Pontón denuncia a desprotección da Xunta sobre este importante patrimonio arqueolóxico en Galiza  e pide rescatar a adxudicación da xestión do parque, na actualidade,  en mans dunha empresa privada  vinculada ao Partido popular.

A deputada,  cualifica de “feito grave” a privatización do Parque Arqueolóxico de Arte Rupestre adxudicado “a dedo” pola Xunta a familiares vinculados co Partido popular e denuncia os danos causados no petróglifo  polo incumprimento do  protocolo de limpeza.

Pontón, a través dunha iniciativa parlamentaria pregunta en que momento tivo coñecemento a Xunta dos danos e que valoración lle merecen a tenor das ultimas declaracións de responsábeis da consellería de Cultura que negan a súa gravidade alegando que os labores de limpeza non afectaron gravemente o deseño de espiral prehistórica gravada na rocha.

A nacionalista reclama que a Xunta cumpra a Lei de protección e conservación do patrimonio cultural galego, rescate a concesión privada do Parque Arqueolóxico de Arte Rupestre de Campo Lameiro e depure responsabilidades.