O BNG pide que “Pharmamar” manteña a súa sede social en Vigo

A deputada do BNG,Carme Adán demanda do Goberno galego que emprenda todas as accións necesarias para que a filial de Zeltia non traslade a súa sede social a Madrid

 A parlamentaria do BNG, Carme Adán rexistra unha iniciativa parlamentaria na que solicita que o Goberno galego inicie as xestións necesarias ante “Pharmamar” para que manteña a súa sede social en Vigo e non sexa traslada a Madrid.

Na proposta, a deputada explica que a xunta xeral de accionistas de Zeltia deu o seu consentimento para a absorción da compañía por parte da súa filial “Pharmamar” co obxectivo de cotizar na bolsa en Estados Unidos, a partir do ano 2016, e trasladar a sede social da compañía galega a Madrid.

Para a deputada, a decisión do traslado representa “unha perda” no peso económico de Galiza. “Xa perdemos o sistema financeiro galego e empresas con capacidade de Innovación nos últimos anos” e o Goberno galego debe reaccionar ante a preocupante situación da nosa economía, afirma a nacionalista.