BNG non participa no Congreso "da farsa do PP para cargarse a xustiza universal"

A portavoz do BNG no Congreso, Olaia Fernández Davila, deixou claro no Pleno da Cámara que o BNG “non ía participar da farsa do PP” para eliminar a xustiza universal pola vía urxente, atentando contra o mesmo regulamento da Cámara e sen os informes xurídicos previos necesarios.

O Presidente da Cámara convocou onte mesmo unha segunda sesión do Pleno do Congreso esta mañá, pola vía urxente, para iniciar unha tramitación por leitura única da proposición de lei do PP que quer rematar por completo coa xustiza universal.

O BNG asinou onte, conxuntamente todo todos

Todos os grupos da oposición agás UPN e Foro Asturias, un escrito dirixido á Mesa do Congreso para que se elabore un informe xurídico sobre o trámite exprés do PP para tramitar unha proposición de lei “en leitura única e polo procedemento de urxencia”.

Para a portavoz do BNG fica claro que este procedemento non se axusta ao regulamento. Davila cualificou de auténtico “golpe á democracia a actuación do PP”, e sinalou que o “é un exemplo de soberbia e prepotencia do grupo maioritario que utiliza o rodillo para eliminar unha lei que defende a xustiza universal,o que afectará á persecución de delitos de lesa humanidade”.

A parlamentar nacionalista censurou “as presas e a urxencia do PP á hora de tramitar unha proposición de lei” que non conta cos preceptivos informes xurídicos, e cuxa tramitación exprés atenta contra o regulamento da Cámara”.