O BNG cualifica de “estafa social” o acordo económico da Xunta coas concesionarias de autovías

A deputada do BNG, Ana Pontón denuncia que a “Xunta ten cartos para auxiliar ás adxudicatarias” e mostrase austera para rescatar a despregad@s, desafiuzad@s ou persoas no límite da pobreza

A deputada do BNG, Ana Pontón critica o acordo económico da Xunta para auxiliar ás adxudicatarias das autovías ante unha posible quebra e cualifica o pacto de “nova estafa social” á cidadanía galega.

A parlamentaria que presenta unha pregunta na vindeira Comisión de Ordenación do Territorio relativa ás negociacións dun incremento do canon que a administración paga a estas empresas, manifesta o seu desacordo co pacto da Xunta coas concesionarias de autovías para o seu rescate.

A deputada considera que , unha vez máis, o Partido popular amosa a súa “verdadeira faciana” compensando “aos seus amigos empresarios” mentres recorta sistematicamente dereitos e axudas a persoas e empresas afectadas gravemente pola crise económica.

Pontón asegura que a quebra das autovías galegas constata o “fracaso do modelo” e representa un “negocio” para empresas próximas ao Partido popular.